اهرامات الكوك

المقادير
كتحتاجو للكوك كيلو و نصف
و نسلي تقريبا 3علب
سكر فانيليا,,,2 خنيشات

لوز مفسخ مقلي ,,,,,,ربع كيلو
شكلاط غبرة ,,,,,,,,معلقة كبيرة
عسل هي و ما رفدت

وسمحولي لاني مصورتش طريقة العجين لانها سهلة
اولا كتعموا الكوك ففرن ساخن و مطفي لمدة دقائق
كنطحنوه على الاقل مرتين فمولينكس حتى يرطاب
كنضيفوليه السكر فانيليا و النسلي حتى تجمع العجين
كنقسموه على 3
و نلون جزء بالاحمر و جزء بالاخضر و نخليو الجزء الثالث ابيض

اللوز كنفسخوه و نقليوه و نهرمشوه و نلونوه باضافة شكلاط غبرة و ممكن ما تضيفوهش لالا مشكلة
تجمعوه بالعسل او بالنسلي و تحتفظوا بيه