رغايڤ معمرين كايجو فنّين لرمضــــان

مقادير عجين :
500غ دقيق ابيض و ملح و ماء دافئ.نعجنوها مزيان ماتكونش خفيفة و نخليوها ترتاح .

حشوة:
فيرميسيل مفزكة في الماء غليان و مقطعة صغيرة بصلة مشلضة رقيقة مشحرة مع زويتة و ملح و ابزار نزيدو عليها ثوم ربيع و قطع صدر الديك الرومي مرقدة في معيلقة الموطارد و معلقة كبيرة صوص الصوجا و ملح و ابزار نشحرو كلشي و نزيدو عليه تحميرة كمون خرقوم هريسة . ونزيدو في الاخير فيرميسيل و زيتون اخضر مقطع و عندما تبرد نضيفو فرماج احمر محكوك. و نعمروهم بالطريقة في الصور على شكل سيكارو ندخلوهم الفران و ندهنوهم باصفر البيض مع الخل و ملي يطيبو نرشو وجههم بالفرماج محكوك و ندخلوهم يتحمرو. ملحوظة :
ورقو العجين بالزيت مخلط مع زبدة لينة. الصور تبين المراحل….